11. гатиануйогаван̣н̣ана̄

69-72. ‘‘дассенто ‘тена хи пуггало сандха̄ватӣ’тиа̄дима̄ха̄’’ти вуттам̣, ‘‘дассенто ‘на ваттаббам̣ пуггало сандха̄ватӣ’тиа̄дима̄ха̄’’ти пана бхавитаббам̣, дассетва̄ти ва̄ ваттаббам̣.

91. йена рӯпасан̇кха̄тена сарӣрена саддхим̣ гаччхатӣти еттха ‘‘рӯпена саддхим̣ гаччхатӣ’’ти вадантена ‘‘рӯпам̣ пуггало’’ти ананун̃н̃а̄татта̄ йена̄ка̄рена там̣ джӣвам̣ там̣ сарӣранти идам̣ а̄паджджати, со ваттаббо. асан̃н̃ӯпапаттим̣ сандха̄йа̄ти нирайӯпагасса пуггаласса асан̃н̃ӯпагасса арӯпӯпагасса ча антара̄бхавам̣ на иччхатӣти чутито анантарам̣ упапаттим̣ сандха̄йа̄ти аттхо дат̣т̣хаббо. йе пана чутика̄ле упапаттика̄ле ча асан̃н̃ӯпапаттика̄ле ча асан̃н̃асаттесу сан̃н̃а̄ аттхӣти гахетва̄ асан̃н̃ӯпагасса ча антара̄бхавам̣ иччхеййум̣, тесам̣ антара̄бхавабха̄вато ‘‘асан̃н̃ӯпапатти аведана̄’’ти на сакка̄ ваттунти.

92. аведанотиа̄дӣсу тадан̃н̃анти сан̃н̃абхавато ан̃н̃ам̣ асан̃н̃а̄невасан̃н̃а̄на̄сан̃н̃а̄йатанупапаттим̣. невасан̃н̃а̄на̄сан̃н̃а̄йатанепи хи на ваттаббам̣ сан̃н̃а̄ аттхӣти иччханти.

93. йасма̄ рӯпа̄дидхамме вина̄ пуггало наттхӣти индханупа̄да̄но агги вийа индханена рӯпа̄диупа̄да̄но пуггало рӯпа̄дина̄ вина̄ наттхӣти ладдхивасена вадати.

гатиануйогаван̣н̣ана̄ нит̣т̣хита̄.