6. опаммасам̣санданаван̣н̣ана̄

28-36. упаладдхиса̄ман̃н̃ена ан̃н̃аттапуччха̄ ча̄ти идан̃ча двиннам̣ сама̄ната̄ но ан̃н̃аттасса ка̄ран̣ам̣ йуттам̣, атха кхо висум̣ аттано сабха̄вена саччикат̣т̣хапараматтхена упалаббханӣйата̄ти вича̄ретаббам̣. ‘‘екавӣса̄дхика̄нӣ’’ти пуримапа̄т̣хо, вӣса̄дхика̄нӣти пана пат̣хитаббам̣.

37-45. ‘‘аттхи пуггало’’ти суттам̣ ануджа̄на̄пентена упаладдхи ануджа̄нита̄ хотӣти ман̃н̃ама̄но а̄ха ‘‘упаладдхиса̄ман̃н̃ам̣ а̄ропетва̄’’ти. вӣса̄дхика̄ни нава пат̣икаммапан̃чакасата̄ни дассита̄нӣти етена суддхикасам̣санданепи ‘‘а̄джа̄на̄хи пат̣икамма’’миччева па̄т̣хоти вин̃н̃а̄йати. йан̃ча ва̄дамукхесу суддхикасаччикат̣т̣хе ‘‘пат̣икаммачатукка’’нти вуттам̣, тампи ‘‘пат̣икаммапан̃чака’’нти.

опаммасам̣санданаван̣н̣ана̄ нит̣т̣хита̄.