8. ат̣т̣хаманайо виппайуттенасампайуттападаван̣н̣ана̄

317. виппайуттенасампайуттападаниддесе рӯпаккхандха̄дӣхи виппайуттенасампайуттамева йатха̄ниддха̄ритам̣ наттхӣти ‘‘рӯпаккхандхена йе дхамма̄ виппайутта̄, техи дхаммехи йе дхамма̄ сампайутта̄’’ти аватва̄ ‘‘рӯпаккхандхена йе дхамма̄ виппайутта̄, те дхамма̄ катихи кхандхехи…пе… сампайутта̄ти наттхӣ’’ти вуттам̣. тена рӯпаккхандхена виппайутта̄нам̣ кеначи кхандха̄дина̄ сампайога̄бха̄вато йатха̄ниддха̄ритам̣ виппайуттенасампайуттамева наттхи, куто тасса пуна кхандха̄дӣхи сампайуттата̄ти дассети.

ат̣т̣хаманайавиппайуттенасампайуттападаван̣н̣ана̄ нит̣т̣хита̄.