9. наваманайо сампайуттенасампайуттападаван̣н̣ана̄

319. сампайуттенасампайуттападаван̣н̣ана̄йам̣ йам̣кхандха̄дивасена̄ти сама̄сападам̣ идам̣ дат̣т̣хаббам̣, йасса кхандха̄дино васена̄ти аттхо. тассева̄ти ча тассева кхандха̄диноти аттхо. идам̣ вуттам̣ хоти – йам̣ идха сампайуттам̣ вуттам̣, там̣ рӯпаккхандха̄дӣсу аран̣антесу йена ведана̄ккхандха̄дина̄ сампайуттам̣, пуна тассева ведана̄ккхандха̄дино кхандха̄дӣхи сампайогам̣ пуччхитва̄ виссаджджанам̣ катам̣. тан̃хи аттана̄ сампайуттена сампайуттатта̄ ‘‘сампайуттена сампайутта’’нти ниддха̄ританти. рӯпена ва̄ти етена ниродхасаччааппаччайаасан̇кхатехипи айого вутто хотӣти дат̣т̣хаббо, татха̄ рӯпамиссакехи ва̄ти етена анупа̄диннаанупа̄да̄нийа̄дӣхи нибба̄намиссакехипи. ваккхати хи ‘‘нибба̄нам̣ пана сукхумарӯпагатикамева̄’’ти. сабба̄рӯпаккхандхасан̇га̄хакехӣти ваттама̄на̄намева сампайого лаббхатӣти ваттама̄несу екампи дхаммам̣ анапанетва̄ авикалачатуккхандхасан̇га̄хакехи арӯпабхава̄дӣхӣти аттхо. айам̣ панеттха сан̇кхепо – йе сампайогам̣ на лабханти рӯпаккхандха̄дайо, те саббе на гахита̄, итаре ча ведана̄ккхандха̄дайо саббе гахита̄ти.

наваманайасампайуттенасампайуттападаван̣н̣ана̄ нит̣т̣хита̄.