14. чуддасаманайо виппайуттенасан̇гахита̄сан̇гахитападаван̣н̣ана̄

456. чуддасаманайе дхамма̄йатана̄дӣнам̣ ана̄рамман̣амиссакасаббачиттуппа̄дагатадхаммабха̄вато виппайогасса арухан̣ам̣ дат̣т̣хаббам̣. джа̄тиа̄диттайасса четтха дхаммасабха̄ваматтатта̄ на катхан̃чи сампайого виппайого ча рухати аджджхаттабахиддхадхамма̄нам̣ саббадхаммасамодха̄натта̄, анидассанааппат̣игха̄дӣнам̣ ана̄рамман̣амиссакасаббачиттуппа̄датта̄. дуккхасачча̄дидхамма̄ва идха техи виппайутта̄нам̣ сан̇гаха̄сан̇гахасаббха̄ва̄ гахита̄ти.

па̄л̣иудда̄нага̄тха̄йам̣ самуччхеде на лаббхантӣти парийоса̄не найе на лаббхантӣти аттхо. могхапуччхакена ча̄ти алаббхама̄на̄ ча те могхапуччхакена хетуна̄ на лаббханти тесам̣ пуччха̄йа могхатта̄ти вуттам̣ хоти. атха ва̄ могхапуччхако ат̣т̣хамо найо, тена ча саха оса̄нанайе ете дхамма̄ виппайогассапи абха̄ва̄ саббатха̄пи на лаббхантӣти аттхо.

чуддасаманайавиппайуттенасан̇гахита̄сан̇гахитападаван̣н̣ана̄ нит̣т̣хита̄.

дха̄тукатха̄пакаран̣а-мӯлат̣ӣка̄ саматта̄.