7. лока̄йатикасуттаван̣н̣ана̄

38. саттаме лока̄йатава̄дака̄ти а̄йатим̣ хитам̣ локо на йатати на вирухати етена̄ти лока̄йатам̣, витан̣д̣асаттхам̣. тан̃хи гантхам̣ нисса̄йа сатта̄ пун̃н̃акирийа̄йа читтампи на уппа̄денти, там̣ вадантӣти лока̄йатава̄дака̄.

дал̣хам̣ тхирам̣ дхану етасса̄ти дал̣хадханва̄ (а. ни. т̣ӣ. 2.4.45-46; сам̣. ни. т̣ӣ. 1.1.107), со ева ‘‘дал̣хадхамма̄’’ти вутто. пат̣исаттувидхаманаттхам̣ дханум̣ ган̣ха̄тӣти дхануггахо. со ева усум̣ сарам̣ асати кхипатӣти исса̄со. двисахассатха̄манти лоха̄дибха̄рам̣ вахитум̣ саматтхам̣ двисахассатха̄мам̣. тена̄ха ‘‘двисахассатха̄мам̣ на̄ма̄’’тиа̄ди. дан̣д̣ети дханудан̣д̣е. йа̄ва кан̣д̣аппама̄н̣а̄ти дӣгхато йаттакам̣ кан̣д̣асса пама̄н̣ам̣, таттаке дханудан̣д̣е уккхиттаматте а̄ропитесуйева джийа̄дан̣д̣есу со че бха̄ро патхавито муччати, евам̣ идам̣ двисахассатха̄мам̣ на̄ма дханӯти дат̣т̣хаббам̣. уггахитасиппоти уггахитадханусиппо. катахаттхоти тхиратарам̣ лаккхесу авираджджханасараккхепо. ӣдисо пана таттха васибхӯто катахаттхо на̄ма хотӣти а̄ха ‘‘чин̣н̣авасибха̄во’’ти. катам̣ ра̄джакула̄дӣсу упечча асанам̣ етена со катӯпа̄саноти а̄ха ‘‘ра̄джакула̄дӣсу дасситасиппо’’ти. евам̣ катанти евам̣ антосусиракаран̣а̄дина̄ саллахукам̣ катам̣.

лока̄йатикасуттаван̣н̣ана̄ нит̣т̣хита̄.