4. дхамман̃н̃ӯсуттаван̣н̣ана̄

68. чатуттхе суттагеййа̄дидхаммам̣ джа̄на̄тӣти дхамман̃н̃ӯ. тасса тассева суттагеййа̄дина̄ бха̄ситасса тадан̃н̃асса суттападаттхасса бодхакасса саддасса аттхакусалата̄васена аттхам̣ джа̄на̄тӣти аттхан̃н̃ӯ. ‘‘еттакомхи сӣлена сама̄дхина̄ пан̃н̃а̄йа̄’’ти евам̣ йатха̄ аттано пама̄н̣аджа̄нанавасена атта̄нам̣ джа̄на̄тӣти аттан̃н̃ӯ. пат̣иггахан̣апарибхогапарийесанависсаджджанесу маттам̣ джа̄на̄тӣти маттан̃н̃ӯ. ниддесе пана пат̣иггахан̣аматтан̃н̃ута̄йа ева парибхога̄диматтан̃н̃ута̄ пабодхита̄ хотӣти пат̣иггахан̣аматтан̃н̃ута̄ва дассита̄. ‘‘айам̣ ка̄ло уддесасса, айам̣ ка̄ло парипуччха̄йа, айам̣ ка̄ло йогасса адхигама̄йа̄’’ти евам̣ ка̄лам̣ джа̄на̄тӣти ка̄лан̃н̃ӯ. таттха пан̃ча васса̄ни уддесасса ка̄ло, даса парипуччха̄йа, идам̣ атисамба̄дхам̣, атиккхапан̃н̃асса та̄вата̄ ка̄лена тӣретум̣ асаккун̣еййатта̄ даса васса̄ни уддесасса ка̄ло, вӣсати парипуччха̄йа, тато парам̣ йоге каммам̣ ка̄таббам̣. кхаттийапариса̄дикам̣ ат̣т̣хавидхам̣ парисам̣ джа̄на̄тӣти парисан̃н̃ӯ. бхиккхупариса̄дикам̣ чатуббидхам̣, кхаттийапариса̄дикам̣ мануссапарисам̣йева пуна чатуббидхам̣ гахетва̄ ат̣т̣хавидхам̣ ваданти апаре. ниддесе панасса кхаттийапариса̄дичатуббидхапарисаггахан̣ам̣ нидассанаматтам̣ дат̣т̣хаббам̣. ‘‘имам̣ ме севантасса акусала̄ дхамма̄ париха̄йанти, кусала̄ дхамма̄ абхивад̣д̣ханти, тасма̄ айам̣ пуггало севитаббо, випарийа̄йато ан̃н̃о асевитаббо’’ти севитабба̄севитаббапуггалам̣ джа̄на̄тӣти пуггалапаропаран̃н̃ӯ. еван̃хи тесам̣ пуггала̄нам̣ паропарам̣ уккат̣т̣ханихӣнатам̣ джа̄на̄ти на̄ма. ниддесеписса севитабба̄севитаббапуггале вибха̄ванамева саман̣акатха̄катанти дат̣т̣хаббам̣.

дхамман̃н̃ӯсуттаван̣н̣ана̄ нит̣т̣хита̄.