10. бхарийа̄суттаван̣н̣ана̄

63. дасаме учча̄садда̄ маха̄садда̄ уддхам̣ уггататта̄ уччам̣ паттхат̣атта̄ махантам̣ авиниббхогам̣ винибхун̃джитва̄ гахетум̣ асаккун̣еййам̣ саддам̣ каронта̄ ваданти. вачӣгхосопи хи бахӯхи екаджджхам̣ паваттито аттхато ча саддато ча дуравабодхо кевалам̣ маха̄ниггхосо ева хутва̄ сотапатхама̄гаччхати. маччхавилопети маччхе вилумпитва̄ вийа гахан̣е, маччха̄нам̣ ва̄ вилумпане. кеват̣т̣а̄нан̃хи маччхапаччхит̣т̣хапитат̣т̣ха̄не маха̄джано саннипатитва̄ ‘‘идха ан̃н̃ам̣ екам̣ маччхам̣ дехи, екам̣ маччхапха̄лам̣ дехи, етасса те маха̄ динно, майхам̣ кхуддако’’ти евам̣ учча̄саддамаха̄саддам̣ каронти. там̣ сандха̄йетам̣ вуттам̣ ‘‘кеват̣т̣а̄нам̣ маччхапаччхим̣ ота̄ретва̄ т̣хитат̣т̣ха̄не’’ти. маччхаггахан̣аттхам̣ джа̄ле паккхиттепи тасмим̣ т̣ха̄не кеват̣т̣а̄ чева ан̃н̃е ча ‘‘павит̣т̣хо на павит̣т̣хо, гахито на гахито’’ти маха̄саддам̣ каронти. там̣ сандха̄йетам̣ вуттам̣ ‘‘джа̄ле ва̄…пе… маха̄саддо хотӣ’’ти. каттаббаваттанти па̄дапарикамма̄дикаттаббакиччам̣. кхара̄ти читтена ва̄ча̄йа ча каккхал̣а̄. сесаметтха утта̄намева.

бхарийа̄суттаван̣н̣ана̄ нит̣т̣хита̄.