2. пхаггунасуттаван̣н̣ана̄

56. дутийе самадхосӣти самантато адхоси. саббабха̄гена парипханданачалана̄ка̄рена апачитим̣ дассети. ваттам̣ киретам̣ ба̄л̣хагила̄ненапи вуд̣д̣хатарам̣ дисва̄ ут̣т̣хита̄ка̄рена апачити дассетабба̄. тена пана ‘‘ма̄ чали ма̄ чалӣ’’ти ваттаббо, там̣ пана чаланам̣ ут̣т̣ха̄на̄ка̄радассанам̣ хотӣти а̄ха ‘‘ут̣т̣ха̄на̄ка̄рам̣ дассетӣ’’ти. сантима̄ни а̄сана̄нӣти пат̣хамамева пан̃н̃аттха̄санам̣ сандха̄йа вадати. буддхака̄ласмин̃хи екассапи бхиккхуно васанат̣т̣ха̄не – ‘‘саче саттха̄ а̄гаччхиссати, а̄санам̣ пан̃н̃аттамева хотӯ’’ти антамасо пхалакаматтампи пан̣н̣асантха̄раматтампи пан̃н̃аттамева. кхаманӣйам̣ йа̄панӣйанти каччи дуккхам̣ кхамитум̣, ирийа̄патхам̣ ва̄ йа̄петум̣ сакка̄ти пуччхати. сӣсаведана̄ти куточи никкхамитум̣ алабхама̄нехи ва̄техи самут̣т̣ха̄пита̄ балаватийо сӣсаведана̄ хонти.

пхаггунасуттаван̣н̣ана̄ нит̣т̣хита̄.