9. ануссатит̣т̣ха̄насуттаван̣н̣ана̄

9. наваме ануссатийо ева дит̣т̣хадхаммикасампара̄йика̄дихитасукха̄нам̣ ка̄ран̣абха̄вато т̣ха̄на̄нӣти ануссатит̣т̣ха̄на̄ни. буддхагун̣а̄рамман̣а̄ сатӣти йатха̄ буддха̄нуссати висеса̄дхигамасса т̣ха̄нам̣ хоти, евам̣ ‘‘итипи со бхагава̄’’тиа̄дина̄ буддхагун̣е а̄раббхе уппанна̄ сати. евам̣ ануссарато хи пӣти уппаджджати, со там̣ пӣтим̣ кхайато вайато пат̣т̣хапетва̄ арахаттам̣ па̄пун̣а̄ти. упача̄ракаммат̣т̣ха̄нам̣ на̄метам̣ гихӣнампи лаббхати. упача̄ракаммат̣т̣ха̄нанти ча паччаккхато упача̄раджджха̄на̄вахам̣ каммат̣т̣ха̄напарампара̄йа саммасанам̣ йа̄ва арахатта̄ локийалокуттарависеса̄вахам̣. еса найо саббаттха.

ануссатит̣т̣ха̄насуттаван̣н̣ана̄ нит̣т̣хита̄.