10. маха̄на̄масуттаван̣н̣ана̄

10. дасаме тасмим̣ самайети буддха̄гун̣а̄нуссаран̣асамайе. ра̄гапарийут̣т̣хитанти ра̄гена парийут̣т̣хитам̣. парийут̣т̣ха̄наппаттипи, ра̄гена ва̄ сам̣хитам̣ читтам̣ аран̃н̃амива чорехи тена парийут̣т̣хитанти вуттам̣, тасса парийут̣т̣ха̄нат̣т̣ха̄набха̄ватопи парийут̣т̣хитара̄ганти аттхо. бйан̃джанам̣ пана ана̄дийитва̄ аттхаматтам̣ дассенто ‘‘уппаджджама̄нена ра̄гена ут̣т̣хахитва̄ гахита’’нти а̄ха. уджукамева̄ти пагева ка̄йаван̇ка̄дӣнам̣ апанӣтатта̄ читтасса ча ануджубха̄вакара̄нам̣ ма̄на̄дӣнам̣ абха̄вато, ра̄га̄дипарийут̣т̣ха̄на̄бха̄вена ва̄ он̣атиун̣н̣ативирахато уджубха̄вамева гатам̣. атха ва̄ уджукамева̄ти каммат̣т̣ха̄насса тхинам̣ миддхам̣ отин̣н̣ата̄йа лӣнуддхаччавигамато маджджхимасаматханимиттаппат̣ипаттийа̄ уджубха̄вамева гатам̣. ат̣т̣хакатхам̣ нисса̄йа̄ти бхаваджа̄тиа̄дӣнам̣ пада̄нам̣ аттхам̣ нисса̄йа. аттхаведанти ва̄ хетупхалам̣ пат̣ичча уппаннам̣ тут̣т̣хима̄ха. дхаммаведанти хетум̣ пат̣ичча уппаннам̣ тут̣т̣хим̣. ‘‘а̄ракатта̄ араха’’нти ануссарантасса хи йадидам̣ бхагавато килесехи а̄ракаттам̣, со хету. н̃а̄пако четтха хету адхиппето, на ка̄рако сампа̄пако. татонена н̃а̄йама̄но арахаттаттхо пхалам̣. имина̄ найена сесападесупи хетусо пхалавипа̄ко ведитаббо. дхамма̄нуссатиа̄дӣсупи хи а̄димаджджхапарийоса̄накалйа̄н̣ата̄дайо суппат̣ипаттиа̄дайо ча таттха таттха хетубха̄вена ниддит̣т̣ха̄йева. дхаммӯпасам̣хитанти йатха̄вуттахетупхаласан̇кха̄тагун̣ӯпасам̣хитам̣.

маха̄на̄масуттаван̣н̣ана̄ нит̣т̣хита̄.

а̄хунеййаваггаван̣н̣ана̄ нит̣т̣хита̄.