8. ануттарийасуттаван̣н̣ана̄

8. ат̣т̣хаме наттхи етесам̣ уттара̄ни висит̣т̣ха̄нӣти ануттара̄ни, ануттара̄ни ева ануттарийа̄ни йатха̄ ‘‘анантамева анантарийа’’нти а̄ха ‘‘нируттара̄нӣ’’ти. дассана̄нуттарийам̣ на̄ма пхалависеса̄вахатта̄. еса найо сесесупи. саттавидхаарийадханала̄бхоти саттавидхасаддха̄дилокуттарадханала̄бхо. сиккха̄ттайасса пӯран̣анти адхисӣласиккха̄дӣнам̣ тиссаннам̣ сиккха̄нам̣ пӯран̣ам̣. таттха пӯран̣ам̣ ниппарийа̄йато асеккха̄нам̣ васена ведитаббам̣. калйа̄н̣апутхуджджанато пат̣т̣ха̄йа хи сатта секха̄ тиссо сиккха̄ пӯренти на̄ма, араха̄ парипун̣н̣асиккхоти. ити има̄ни ануттарийа̄ни локийалокуттара̄ни катхита̄ни.

ануттарийасуттаван̣н̣ана̄ нит̣т̣хита̄.