9-10. путтасутта̄диван̣н̣ана̄

39-40. наваме бхатоти посито. там̣ пана бхаран̣ам̣ джа̄така̄лато пат̣т̣ха̄йа сукхапаччайӯпахаран̣ена дуккхапаччайа̄пахаран̣ена ча паваттитанти дассетум̣ ‘‘амхехӣ’’тиа̄ди вуттам̣. хаттхапа̄давад̣д̣хана̄дӣхӣти а̄ди-саддена мукхена син̇гха̄ника̄панайананаха̄панаман̣д̣ана̄дин̃ча сан̇ган̣ха̄ти. ма̄та̄питӯнам̣ сантакам̣ кхетта̄дим̣ авина̄сетва̄ раккхитам̣ тесам̣ парампара̄йа т̣хитийа̄ ка̄ран̣ам̣ хотӣти а̄ха ‘‘амха̄кам̣ сантакам̣…пе… кулавам̣со чирам̣ т̣хассатӣ’’ти. сала̄кабхатта̄дӣни анупаччхиндитва̄ти сала̄кабхатта̄дӣни авиччхиндитва̄. йасма̄ да̄йаджджаппат̣ила̄бхасса йогйабха̄вена ваттама̄нойева да̄йасса пат̣ипаджджиссати, на итароти а̄ха ‘‘кулавам̣са̄нурӯпа̄йа пат̣ипаттийа̄’’тиа̄ди. аттана̄ да̄йаджджа̄рахам̣ каронтоти атта̄нам̣ да̄йаджджа̄рахам̣ каронто. ма̄та̄питаро хи аттано ова̄де аваттама̄не миччха̄пат̣ипанне да̄раке виниччхайам̣ гантва̄ апутте каронти, те да̄йаджджа̄раха̄ на хонти. ова̄де ваттама̄не пана куласантакасса са̄мике каронти. татийадивасато пат̣т̣ха̄йа̄ти матадивасато татийадивасато пат̣т̣ха̄йа. сесам̣ сувин̃н̃еййамева. дасамам̣ утта̄намева.

путтасутта̄диван̣н̣ана̄ нит̣т̣хита̄.

суманаваггаван̣н̣ана̄ нит̣т̣хита̄.