10. дутийаага̄равасуттаван̣н̣ана̄

10. дасаме вуддхинтиа̄дӣсу сӣлена вуддхим̣, маггена вирул̣хим̣, нибба̄нена вепуллам̣. сӣласама̄дхӣхи ва̄ вуддхим̣, випассана̄маггехи вирул̣хим̣, пхаланибба̄нехи вепуллам̣. еттха ча йасса чатуббидхам̣ сӣлам̣ акхан̣д̣а̄дибха̄ваппаваттийа̄ супарисуддхам̣ висесабха̄гийатта̄ аппакасиренева маггапхала̄вахам̣ сан̇гхараккхитаттхерасса вийа, со та̄дисена сӣлена имасмим̣ дхаммавинайе вуддхим̣ а̄паджджиссати. тена вуттам̣ – ‘‘сӣлена вуддхи’’нти. йасса пана арийамагго уппанно, со вирӯл̣хамӯло вийа па̄дапо суппатит̣т̣хитатта̄ са̄сане вирӯл̣хим̣ а̄панно на̄ма хоти. тена вуттам̣ – ‘‘маггена вирӯл̣хи’’нти. йо саббакилесанибба̄наппатто, со араха̄ сӣла̄дидхаммаккхандхапа̄рипӯрийа̄ сати вепуллаппатто хоти. тена вуттам̣ ‘‘нибба̄нена вепулла’’нти. дутийавикаппе аттхо вуттанайа̄нуса̄рена ведитаббо.

дутийаага̄равасуттаван̣н̣ана̄ нит̣т̣хита̄.

секхабалаваггаван̣н̣ана̄ нит̣т̣хита̄.