9. падха̄насуттаван̣н̣ана̄

69. наваме падахати етехӣти падха̄на̄ни. уттамавӣрийа̄ни сет̣т̣хавӣрийа̄ни висит̣т̣хасса аттхасса са̄дханато. килеса̄нам̣ сам̣вараттха̄йа̄ти йатха̄ абхиджджха̄дайо на уппаджджанти, евам̣ сатийа̄ упат̣т̣ха̄нена килеса̄нам̣ сам̣варан̣аттха̄йа. паджаханаттха̄йа̄ти ка̄мавитакка̄дӣнам̣ виноданаттха̄йа. падха̄нанти тассева паджаханасса са̄дханавасена паваттавӣрийам̣. кусала̄нам̣ дхамма̄нам̣ брӯханаттха̄йа̄ти боджджхан̇гасан̇кха̄та̄нам̣ кусаладхамма̄нам̣ вад̣д̣ханаттха̄йа. падха̄нанти тассева вад̣д̣ханасса са̄дханавасена паваттавӣрийам̣.

падха̄насуттаван̣н̣ана̄ нит̣т̣хита̄.