10. адхаммикасуттаван̣н̣ана̄

70. дасаме висаманти бха̄ванапум̣сакаметам̣. тена̄ха ‘‘висама̄ хутва̄’’ти. асамайена̄ти ака̄ле. бхумматтхе хетам̣ каран̣авачанам̣. пакат̣т̣хам̣ падха̄нам̣ ан̃джасам̣ етесанти пан̃джаса̄, ан̃джасам̣ пагата̄ пат̣ипанна̄ти ва̄ пан̃джаса̄, пакатимаггага̄мино. на пан̃джаса̄ апан̃джаса̄, амаггаппат̣ипанна̄. те пана йасма̄ маггато апагата̄ на̄ма хонти, тасма̄ вуттам̣ ‘‘маггато апагата̄’’тиа̄ди.

га̄тха̄су пана еваметтха самбандхо ведитаббо. гуннам̣ че тарама̄на̄нанти га̄вӣсу махогхам̣ тарантӣсу. джимхам̣ гаччхати пун̇гавоти йади йӯтхапати усабхо кут̣илам̣ гаччхати. сабба̄ та̄ джимхам̣ гаччхантӣти сабба̄ та̄ га̄вийо кут̣иламева гаччханти. касма̄? нетте джимхам̣ гате сати тасса кут̣илагататта̄. со хи та̄сам̣ паччайико упаддавахаро ча. евамеванти йатха̄ четам̣, евамева йо мануссесу падха̄насаммато, йади со адхаммача̄рӣ сийа̄, йе тасса ануджӣвино, саббепи адхаммика̄ хонти. са̄мисампада̄ хи пакатисампадам̣ сампа̄дети. йасма̄ етадевам̣, тасма̄ саббам̣ рат̣т̣хам̣ дуккхам̣ сети, ра̄джа̄ че хоти адхаммико.

адхаммикасуттаван̣н̣ана̄ нит̣т̣хита̄.

паттакаммаваггаван̣н̣ана̄ нит̣т̣хита̄.