7-10. пат̣хамаагатисутта̄диван̣н̣ана̄

17-20. саттаме чханда̄гатинти еттха сандхивасена саралопоти дассенто а̄ха ‘‘чхандена агати’’нти. чханда̄ти хетумхи ниссаккавачананти а̄ха ‘‘чхандена̄’’ти, пемена̄ти аттхо. чхандасаддо хеттха тан̣ха̄парийа̄йо, акусалаччхандапарийа̄йо ва̄. сесесӯти ‘‘доса̄гатим̣ гаччхатӣ’’тиа̄дӣсу.

еттха ча йо ‘‘айам̣ ме миттоти ва̄, сандит̣т̣хоти ва̄, н̃а̄такоти ва̄, лан̃чам̣ ва̄ пана ме детӣ’’ти чхандавасена асса̄микам̣ са̄микам̣ кароти, айам̣ чхандена акаттаббам̣ кароти на̄ма. йо ‘‘айам̣ ме верӣ’’ти чирака̄ла̄нубаддхаверавасена ва̄, тан̇кхан̣уппаннакодхавасена ва̄ са̄микам̣ асса̄микам̣ кароти, айам̣ досена акаттаббам̣ кароти на̄ма. йо пана мандатта̄ момӯхатта̄ йам̣ ва̄ там̣ ва̄ айуттам̣ ака̄ран̣ам̣ ватва̄ асса̄микам̣ са̄микам̣ кароти, айам̣ мохена акаттаббам̣ кароти на̄ма. йо пана ‘‘айам̣ ра̄джаваллабхоти ва̄ висаме чора̄дике висама̄ни ва̄ ка̄йадуччарита̄дӣни сама̄да̄йа ваттанена висаманиссито ва̄, анаттхампи ме кареййа̄’’ти бхӣто асса̄микам̣ са̄микам̣ кароти, айам̣ бхайена акаттаббам̣ кароти на̄ма.

йо пана кин̃чи бха̄дженто ‘‘айам̣ ме сандит̣т̣хо ва̄ самбхатто ва̄’’ти пемавасена атирекам̣ дети, ‘‘айам̣ ме верӣ’’ти досавасена ӯнакам̣ дети, йо муйханто динна̄диннам̣ аджа̄нама̄но кассачи ӯнам̣, кассачи адхикам̣ дети, ‘‘айам̣ имасмим̣ адӣйама̄не майхам̣ анаттхампи кареййа̄’’ти сӣто кассачи атирекам̣ дети, со чатуббидхопи йатха̄нуккамена чханда̄гатиа̄дӣни гаччханто акаттаббам̣ кароти на̄ма.

нихӣйати тасса йасоти тасса агатига̄мино киттийасопи парива̄райасопи нихӣйати париха̄йати. йассати тена киттӣйатӣти хи йасо, китти тхутигхосо. йассати тена пуречара̄нучарабха̄вена парива̄райатӣти йасо, парива̄ро. ат̣т̣хаманавамадасама̄ни утта̄наттха̄нева.

чаравагго дутийо.