10. упосатхасуттаван̣н̣ана̄

190. дасаме тун̣хӣбхӯтам̣ тун̣хӣбхӯтанти а̄мед̣итавачанам̣ бйа̄паниччха̄васена вуттанти а̄ха ‘‘йато йато анувилокетӣ’’ти. анувилокетва̄ти еттха ану-саддопи бйа̄паниччха̄вачанамева̄ти ану ану вилокетва̄ти аттхо, пан̃чапаса̄даппат̣иман̣д̣ита̄ни аккхӣни уммӣлетва̄ тато тато вилокетва̄ти вуттам̣ хоти. аланти йуттам̣, опа̄йиканти аттхо ‘‘аламева ниббиндиту’’нтиа̄дӣсу (дӣ. ни. 2.272; сам̣. ни. 2.124-126) вийа. пут̣абандханена парихаритва̄ аситаббам̣ пут̣осам̣ самбалам̣ а-ка̄расса о-ка̄рам̣ катва̄. тена̄ха ‘‘па̄тхеййа’’нти. сесаметтха сувин̃н̃еййамева.

упосатхасуттаван̣н̣ана̄ нит̣т̣хита̄.

бра̄хман̣аваггаван̣н̣ана̄ нит̣т̣хита̄.