1-2. анубуддхасутта̄диван̣н̣ана̄

1-2. чатукканипа̄тасса пат̣хаме анубодхо пуббабха̄гийам̣ н̃а̄н̣ам̣, пат̣иведхо анубодхена абхисамайо. таттха йасма̄ анубодхапуббако пат̣иведхо анубодхена вина̄ на хоти. анубодхо хи екаччо пат̣иведхасамбаддхо, тадубхайа̄бха̄вахетукан̃ча ват̣т̣е сам̣саран̣ам̣, тасма̄ вуттам̣ па̄л̣ийам̣ ‘‘ананубодха̄…пе… тумха̄кан̃ча̄’’ти. пат̣исандхиггахан̣авасена бхавато бхавантарӯпагаманам̣ сандха̄ванам̣, апара̄парам̣ чаванӯпападжджанавасена сан̃чаран̣ам̣ сам̣саран̣анти а̄ха ‘‘бхавато’’тиа̄ди. сандха̄витасам̣саритапада̄нам̣ каммаса̄дханатам̣ сандха̄йа̄ха ‘‘майа̄ ча тумхехи ча̄’’ти пат̣хамавикаппе. дутийавикаппе пана бха̄васа̄дханатам̣ хадайе катва̄ ‘‘маман̃чева тумха̄кан̃ча̄’’ти йатха̄рутавасенева вуттам̣. дӣгхараджджуна̄ баддхасакун̣ам̣ вийа раджджухаттхо пурисо десантарам̣ тан̣ха̄раджджуна̄ баддхам̣ саттасанта̄нам̣ абхисан̇кха̄ро бхавантарам̣ нети ета̄йа̄ти бхаванетти. тена̄ха ‘‘бхавараджджӯ’’тиа̄дӣ.

ват̣т̣адуккхасса антакароти сакалават̣т̣адуккхасса сакасанта̄не парасанта̄не ча вина̄сакаро абха̄вакаро. буддхачаккхудхаммачаккхудиббачаккхумам̣сачаккхусамантачаккхусан̇кха̄техи пан̃чахи чаккхӯхи чаккхума̄. сава̄сана̄нам̣ килеса̄нам̣ самуччхиннатта̄ са̄тисайам̣ килесапаринибба̄нена париниббуто. дутийам̣ утта̄намева.

анубуддхасутта̄диван̣н̣ана̄ нит̣т̣хита̄.