6. са̄л̣хасуттаван̣н̣ана̄

67. чхат̣т̣хе па̄то аситаббабходжанам̣ па̄тара̄сам̣, бхуттам̣ па̄тара̄сам̣ етесанти бхуттапа̄тара̄са̄. да̄са̄ на̄ма антоджа̄та̄ ва̄ дханаккӣта̄ ва̄ карамара̄нӣта̄ ва̄ сайам̣ ва̄ да̄сабйам̣ упагата̄. бхаттаветанабхата̄ каммака̄ра̄ на̄ма.

ниччха̄тоти еттха чха̄там̣ вуччати тан̣ха̄ джигхаччха̄хетута̄йа, са̄ асса наттхӣти ниччха̄то. тена̄ха ‘‘ниттан̣хо’’ти. аббхантаре санта̄пакара̄нам̣ килеса̄нанти аттано санта̄не даратхапарил̣а̄хаджананена санта̄панакилеса̄нам̣. антота̄панакилеса̄нам̣ абха̄ва̄ сӣто сӣтало бхӯто джа̄тоти сӣтибхӯто. тена̄ха ‘‘сӣталӣбхӯто’’ти. маггапхаланибба̄насукха̄ни ва̄ пат̣исам̣ведетӣти сукхаппат̣исам̣ведӣ. сесам̣ сувин̃н̃еййамева.

са̄л̣хасуттаван̣н̣ана̄ нит̣т̣хита̄.