2. са̄ран̣ӣйасуттаван̣н̣ана̄

12. дутийе чатупа̄рисуддхисӣлампи паббаджджа̄нисситамева̄ти имина̄ паббаджджӯпагатасаманантарамева чатупа̄рисуддхисӣлампи сама̄диннамева хотӣти дассети. маггасанниссита̄нева хонтӣти магга̄дхигаматтха̄йа пат̣ипаджджитаббатта̄ касин̣апарикамма̄дӣни маггасанниссита̄нева хонти, тасма̄ маггаггахан̣енева тесампи гахан̣ам̣ ведитаббам̣, техи вина̄ магга̄дхигамасса асамбхаватоти адхиппа̄йо.

аггамагга̄дхигамена асаммохаппат̣иведхасса сикха̄паттатта̄ маггадхаммесу вийа пхаладхаммесупи са̄тисайо асаммохоти ‘‘сайам̣ абхин̃н̃а̄’’ти вуттам̣, са̄мам̣ джа̄нитва̄ти аттхо. татха̄ джа̄нана̄ панасса саччхикаран̣ам̣ аттапаччаккхакирийа̄ти ‘‘саччхикатва̄’’ти вуттам̣. тена̄ха ‘‘аттана̄ва абхивисит̣т̣ха̄йа пан̃н̃а̄йа паччаккхам̣ катва̄’’ти. татха̄ саччхикирийа̄ часса аттани пат̣ила̄бхоти ‘‘упасампаджджа̄’’ти вуттанти а̄ха ‘‘пат̣илабхитва̄’’ти.

са̄ран̣ӣйасуттаван̣н̣ана̄ нит̣т̣хита̄.