10. дутийапа̄пан̣икасуттаван̣н̣ана̄

20. дасаме висит̣т̣хадхуроти висит̣т̣хадхурасампагга̄хо вӣрийасампанно. н̃а̄н̣авӣрийа̄йатта̄ хи аттхасиддхийо. тена̄ха ‘‘уттамадхуро’’тиа̄ди. викка̄йикабхан̣д̣анти виккайетаббабхан̣д̣ам̣. никкхиттадханена̄ти нидахитва̄ т̣хапитадханавасена. вал̣ан̃джанакавасена̄ти дивасе дивасе да̄нӯпабхогавасена вал̣ан̃джитаббадханавасена. упабхогапарибхогабхан̣д̣ена̄ти упабхогапарибхогӯпакаран̣ена. нипатантӣти нипа̄тенти, аттано дханаггахена нипа̄тавуттике каронти. тена̄ха ‘‘нимантентӣ’’ти.

н̃а̄н̣атха̄мена̄ти н̃а̄н̣асса тхирабха̄вена. н̃а̄н̣апараккамена̄ти н̃а̄н̣асахитена вӣрийена. дит̣т̣хадхаммикасампара̄йикапараматтхабхедан̃хи йена сутена иджджхати, там̣ сутам̣ на̄ма. уккат̣т̣ханиддесена дассенто ‘‘еканика̄йа…пе… бахуссута̄’’ти а̄ха. а̄гатоти суппаваттибха̄вена сва̄гато. тена̄ха ‘‘пагун̣о паваттито’’ти. абхидхамме а̄гата̄ кусала̄диккхандха̄дибхедабхинна̄ дхамма̄ суттантапит̣акепи отарантӣти ‘‘дхаммадхара̄ти суттантапит̣акадхара̄’’иччева вуттам̣. на хи а̄бхидхаммикабха̄вена вина̄ ниппарийа̄йато суттантапит̣акан̃н̃ута̄ самбхавати. двема̄тика̄дхара̄ти бхиккхубхиккхунима̄тика̄васена двема̄тика̄дхара̄ти ваданти, ‘‘винайа̄бхидхаммама̄тика̄дхара̄’’ти йуттам̣. парипуччхатӣти саббабха̄гена пуччхитаббам̣ пуччхати. тена̄ха ‘‘аттха̄наттхам̣ ка̄ран̣а̄ка̄ран̣ам̣ пуччхатӣ’’ти. паригган̣ха̄тӣти вича̄рети.

на евам̣ аттхо дат̣т̣хабботи евам̣ десана̄нуккамена аттхо на гахетаббо. ан̃н̃о хи десана̄ккамо венеййаджджха̄сайавасена паваттанато, ан̃н̃о пат̣ипаттиккамо. хет̣т̣химена ва̄ париччхедоти сӣласама̄дхипан̃н̃а̄сан̇кха̄тесу тӣсу бха̄гесу каттхачи хет̣т̣химанайена десана̄йа париччхедам̣ ведитаббам̣ сӣлена, каттхачи упаримена бха̄гена пан̃н̃а̄йа, каттхачи двӣхипи бха̄гехи сӣлапан̃н̃а̄васена. идха пана сутте упаримена бха̄гена париччхедо ведитабботи ватва̄ там̣ дассенто ‘‘тасма̄’’тиа̄дима̄ха. йасма̄ ва̄ бхагава̄ венеййаджджха̄сайавасена пат̣хамам̣ калйа̄н̣амиттам̣ дассенто арахаттам̣ паведетва̄ ‘‘тайидам̣ арахаттам̣ има̄йа а̄раддхавӣрийата̄йа хотӣ’’ти дассенто вӣрийа̄рамбхам̣ паведетва̄ ‘‘сва̄йам̣ вӣрийа̄рамбхо имина̄ калйа̄н̣амиттасанниссайена бхаватӣ’’ти дассенто ниссайасампаттим̣ паведети хет̣т̣ха̄ дасситанидассана̄нурӯпанти дат̣т̣хаббам̣.

дутийапа̄пан̣икасуттаван̣н̣ана̄ нит̣т̣хита̄.

ратхака̄раваггаван̣н̣ана̄ нит̣т̣хита̄.