1. н̃а̄тасуттаван̣н̣ана̄

11. дутийасса пат̣хаме н̃а̄тойева пан̃н̃а̄тоти а̄ха ‘‘н̃а̄то пан̃н̃а̄то’’ти. касса анануломикети а̄ха ‘‘са̄санасса̄’’ти, са̄санасса анануломике аппатирӯпети аттхо. ида̄ни анануломикасаддасса ниббачанам̣ дассенто ‘‘на анулометӣти анануломика’’нти а̄ха. са̄санасса̄ти ва̄ са̄сананти аттхо. са̄санам̣ на анулометӣти анануломиканти еваметтха самбандхо дат̣т̣хаббо. сабха̄гависабха̄ганти лин̇гато сабха̄гависабха̄гам̣. ‘‘вийапуггале’’ти а̄ха̄ти лин̇гасабха̄гехи ависесетва̄ а̄ха. умма̄дам̣ па̄пун̣ӣти со кира сӣлам̣ адхит̣т̣ха̄йа пихитадва̄рагаббхе сайанапит̣т̣хе нисӣдитва̄ бхарийам̣ а̄раббха меттам̣ бха̄венто метта̄мукхена уппаннена ра̄гена андхӣкато бхарийа̄йа сантикам̣ гантука̄мо два̄рам̣ асаллаккхетва̄ бхиттим̣ бхиндитва̄пи никкхамитука̄мата̄йа бхиттим̣ пахаранто саббараттим̣ бхиттийуддхамака̄си. сесаметтха сувин̃н̃еййамева.

н̃а̄тасуттаван̣н̣ана̄ нит̣т̣хита̄.