4. а̄нен̃джасуттаван̣н̣ана̄

117. чатуттхе саха бйайати гаччхатӣти сахабйо, сахапаваттанако. тасса бха̄во сахабйата̄, сахапаваттӣти а̄ха ‘‘сахабха̄вам̣ упападжджатӣ’’ти. ‘‘йа̄ватакам̣ тесам̣ дева̄нам̣ а̄йуппама̄н̣ам̣, там̣ саббам̣ кхепетва̄ нирайампи гаччхатӣ’’тиа̄дивачанато арӯпабхавато чутасса апа̄йӯпапатти вутта̄ вийа диссатӣти танниваттанаттхам̣ бхагавато адхиппа̄йам̣ виваранто ‘‘сандха̄йабха̄ситамидам̣ вачана’’нти дӣпети ‘‘нирайа̄дӣхи авиппамуттатта̄’’тиа̄дина̄. на хи тасса упача̄раджджха̄нато балаватарам̣ акусалам̣ аттхӣти. имина̄ тато чаванта̄нам̣ упача̄раджджха̄намева пат̣исандхиджанакам̣ камманти дӣпети. адхикам̣ пайасати пайуджджати етена̄ти адхиппайа̄со, сависесам̣ итикаттаббакирийа̄. тена̄ха ‘‘адхикаппайого’’ти. сесаметтха утта̄намева.

а̄нен̃джасуттаван̣н̣ана̄ нит̣т̣хита̄.