6. патит̣т̣хитасуттам̣

526. ‘‘екадхамме патит̣т̣хитасса, бхиккхаве, бхиккхуно пан̃чиндрийа̄ни бха̄вита̄ни хонти субха̄вита̄ни. катамасмим̣ екадхамме? аппама̄де. катамо ча бхиккхаве, аппама̄до? идха, бхиккхаве, бхиккху читтам̣ раккхати а̄савесу ча са̄савесу ча дхаммесу. тасса читтам̣ раккхато а̄савесу ча са̄савесу ча дхаммесу саддхиндрийампи бха̄вана̄па̄рипӯрим̣ гаччхати. вӣрийиндрийампи бха̄вана̄па̄рипӯрим̣ гаччхати. сатиндрийампи бха̄вана̄па̄рипӯрим̣ гаччхати. сама̄дхиндрийампи бха̄вана̄па̄рипӯрим̣ гаччхати. пан̃н̃индрийампи бха̄вана̄па̄рипӯрим̣ гаччхати. евампи кхо, бхиккхаве, екадхамме патит̣т̣хитасса бхиккхуно пан̃чиндрийа̄ни бха̄вита̄ни хонти субха̄вита̄нӣ’’ти. чхат̣т̣хам̣.