4. челасуттам̣

1104. ‘‘а̄дитте, бхиккхаве, челе ва̄ сӣсе ва̄ кимасса каран̣ӣйа’’нти? ‘‘а̄дитте, бханте, челе ва̄ сӣсе ва̄, тассева челасса ва̄ сӣсасса ва̄ нибба̄пана̄йа адхиматто чхандо ча ва̄йа̄мо ча усса̄хо ча уссол̣хӣ ча аппат̣ива̄нӣ ча сати ча сампаджан̃н̃ан̃ча каран̣ӣйа’’нти.

‘‘а̄диттам̣, бхиккхаве, челам̣ ва̄ сӣсам̣ ва̄ аджджхупеккхитва̄ аманасикаритва̄ анабхисамета̄нам̣ чатуннам̣ арийасачча̄нам̣ йатха̄бхӯтам̣ абхисамайа̄йа адхиматто чхандо ча ва̄йа̄мо ча усса̄хо ча уссол̣хӣ ча аппат̣ива̄нӣ ча сати ча сампаджан̃н̃ан̃ча каран̣ӣйам̣. катамесам̣ чатуннам̣? дуккхасса арийасаччасса…пе… дуккханиродхага̄минийа̄ пат̣ипада̄йа арийасаччасса.

‘‘тасма̄тиха, бхиккхаве, ‘идам̣ дуккха’нти його каран̣ӣйо…пе… ‘айам̣ дуккханиродхага̄минӣ пат̣ипада̄’ти його каран̣ӣйо’’ти. чатуттхам̣.