9. парин̃н̃еййасуттам̣

1099. ‘‘чатта̄рима̄ни, бхиккхаве, арийасачча̄ни. катама̄ни чатта̄ри? дуккхам̣ арийасаччам̣, дуккхасамудайам̣ арийасаччам̣, дуккханиродхам̣ арийасаччам̣, дуккханиродхага̄минӣ пат̣ипада̄ арийасаччам̣ – има̄ни кхо, бхиккхаве, чатта̄ри арийасачча̄ни. имесам̣ кхо, бхиккхаве, чатуннам̣ арийасачча̄нам̣ аттхи арийасаччам̣ парин̃н̃еййам̣, аттхи арийасаччам̣ паха̄таббам̣, аттхи арийасаччам̣ саччхика̄таббам̣, аттхи арийасаччам̣ бха̄ветаббам̣.

‘‘катаман̃ча, бхиккхаве, арийасаччам̣ парин̃н̃еййам̣? дуккхам̣, бхиккхаве, арийасаччам̣ парин̃н̃еййам̣, дуккхасамудайам̣ арийасаччам̣ паха̄таббам̣, дуккханиродхам̣ арийасаччам̣ саччхика̄таббам̣, дуккханиродхага̄минӣ пат̣ипада̄ арийасаччам̣ бха̄ветаббам̣.

‘‘тасма̄тиха, бхиккхаве, ‘идам̣ дуккха’нти його каран̣ӣйо…пе… ‘айам̣ дуккханиродхага̄минӣ пат̣ипада̄’ти його каран̣ӣйо’’ти. навамам̣.