10. гавампатисуттам̣

1100. екам̣ самайам̣ самбахула̄ тхера̄ бхиккхӯ четесу [четийесу (сйа̄.)] вихаранти сахан̃чанике [сахаджанийе (сӣ. сйа̄. кам̣.)]. тена кхо пана самайена самбахула̄нам̣ тхера̄нам̣ бхиккхӯнам̣ паччха̄бхаттам̣ пин̣д̣апа̄тапат̣икканта̄нам̣ ман̣д̣алама̄л̣е саннисинна̄нам̣ саннипатита̄нам̣ айамантара̄катха̄ удапа̄ди – ‘‘йо ну кхо, а̄вусо, дуккхам̣ пассати дуккхасамудайампи со пассати, дуккханиродхампи пассати, дуккханиродхага̄миним̣ пат̣ипадампи пассатӣ’’ти.

евам̣ вутте а̄йасма̄ гавампати тхеро [гавампатиттхеро (сйа̄. кам̣.)] бхиккхӯ етадавоча – ‘‘саммукха̄ метам̣, а̄вусо, бхагавато сутам̣, саммукха̄ пат̣иггахитам̣ – ‘йо, бхиккхаве, дуккхам̣ пассати дуккхасамудайампи со пассати, дуккханиродхампи пассати, дуккханиродхага̄миним̣ пат̣ипадампи пассати. йо дуккхасамудайам̣ пассати дуккхампи со пассати, дуккханиродхампи пассати, дуккханиродхага̄миним̣ пат̣ипадампи пассати. йо дуккханиродхам̣ пассати дуккхампи со пассати, дуккхасамудайампи пассати, дуккханиродхага̄миним̣ пат̣ипадампи пассати. йо дуккханиродхага̄миним̣ пат̣ипадам̣ пассати дуккхампи со пассати, дуккхасамудайампи пассати, дуккханиродхампи пассатӣ’’’ти. дасамам̣.

кот̣ига̄мавагго татийо.

тассудда̄нам̣ –

две ваджджӣ самма̄самбуддхо, арахам̣ а̄саваккхайо;

миттам̣ татха̄ ча локо ча, парин̃н̃еййам̣ гавампатӣти.