5. дутийадевападасуттам̣

1031. ‘‘чатта̄рима̄ни, бхиккхаве, дева̄нам̣ девапада̄ни ависуддха̄нам̣ сатта̄нам̣ висуддхийа̄ апарийода̄та̄нам̣ сатта̄нам̣ парийодапана̄йа.

‘‘катама̄ни чатта̄ри? идха, бхиккхаве, арийаса̄вако буддхе авеччаппаса̄дена саманна̄гато хоти – итипи со бхагава̄…пе… саттха̄ деваманусса̄нам̣ буддхо бхагава̄ти. со ити пат̣исан̃чиккхати – ‘ким̣ ну кхо дева̄нам̣ девапада’нти? со евам̣ паджа̄на̄ти – ‘абйа̄баджджхапараме кхва̄хам̣ етарахи деве сун̣а̄ми. на ча кхо пана̄хам̣ кин̃чи бйа̄ба̄дхеми тасам̣ ва̄ тха̄варам̣ ва̄. аддха̄хам̣ девапададхаммасаманна̄гато вихара̄мӣ’’’ти. идам̣ пат̣хамам̣ дева̄нам̣ девападам̣ ависуддха̄нам̣ сатта̄нам̣ висуддхийа̄ апарийода̄та̄нам̣ сатта̄нам̣ парийодапана̄йа.

‘‘пуна чапарам̣, бхиккхаве, арийаса̄вако дхамме…пе… сан̇гхе…пе….

‘‘пуна чапарам̣, бхиккхаве, арийаса̄вако арийакантехи сӣлехи саманна̄гато хоти акхан̣д̣ехи…пе… сама̄дхисам̣ваттаникехи. со ити пат̣исан̃чиккхати – ‘ким̣ ну кхо дева̄нам̣ девапада’нти? со евам̣ паджа̄на̄ти – ‘абйа̄баджджхапараме кхва̄хам̣ етарахи деве сун̣а̄ми. на кхо пана̄хам̣ кин̃чи бйа̄ба̄дхеми тасам̣ ва̄ тха̄варам̣ ва̄. аддха̄хам̣ девапададхаммасаманна̄гато вихара̄мӣ’ти. идам̣ чатуттхам̣ дева̄нам̣ девападам̣ ависуддха̄нам̣ сатта̄нам̣ висуддхийа̄ апарийода̄та̄нам̣ сатта̄нам̣ парийодапана̄йа. има̄ни кхо, бхиккхаве, чатта̄ри дева̄нам̣ девапада̄ни ависуддха̄нам̣ сатта̄нам̣ висуддхийа̄ апарийода̄та̄нам̣ сатта̄нам̣ парийодапана̄йа̄’’ти. пан̃чамам̣.