3. аджджхаттааниччанандиккхайасуттам̣

158. ‘‘чаккхум̣, бхиккхаве, йонисо манаси каротха; чаккха̄ниччатан̃ча йатха̄бхӯтам̣ саманупассатха. чаккхум̣, бхиккхаве, бхиккху йонисо манасикаронто, чаккха̄ниччатан̃ча йатха̄бхӯтам̣ саманупассанто чаккхусмимпи ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччати. сотам̣, бхиккхаве, йонисо манаси каротха… гха̄нам̣… дживхам̣, бхиккхаве, йонисо манаси каротха; дживха̄ниччатан̃ча йатха̄бхӯтам̣ саманупассатха. дживхам̣, бхиккхаве, бхиккху йонисо манасикаронто, дживха̄ниччатан̃ча йатха̄бхӯтам̣ саманупассанто дживха̄йапи ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччати. ка̄йам̣… манам̣, бхиккхаве, йонисо манаси каротха; мана̄ниччатан̃ча йатха̄бхӯтам̣ саманупассатха. манам̣, бхиккхаве, бхиккху йонисо манасикаронто, мана̄ниччатан̃ча йатха̄бхӯтам̣ саманупассанто манасмимпи ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччатӣ’’ти. татийам̣.