4. ба̄хирааниччанандиккхайасуттам̣

159. ‘‘рӯпе, бхиккхаве, йонисо манаси каротха; рӯпа̄ниччатан̃ча йатха̄бхӯтам̣ саманупассатха. рӯпе, бхиккхаве, бхиккху йонисо манасикаронто, рӯпа̄ниччатан̃ча йатха̄бхӯтам̣ саманупассанто рӯпесупи ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччати. садде… гандхе… расе… пхот̣т̣хаббе… дхамме, бхиккхаве, йонисо манаси каротха; дхамма̄ниччатан̃ча йатха̄бхӯтам̣ саманупассатха. дхамме, бхиккхаве, бхиккху йонисо манасикаронто, дхамма̄ниччатан̃ча йатха̄бхӯтам̣ саманупассанто дхаммесупи ниббиндати. нандиккхайа̄ ра̄гаккхайо; ра̄гаккхайа̄ нандиккхайо. нандира̄гаккхайа̄ читтам̣ сувимуттанти вуччатӣ’’ти. чатуттхам̣.