11. сакка̄йадит̣т̣хипаха̄насуттам̣

166. атха кхо ан̃н̃атаро бхиккху…пе… етадавоча – ‘‘катхам̣ ну кхо, бханте, джа̄нато катхам̣ пассато сакка̄йадит̣т̣хи пахӣйатӣ’’ти? ‘‘чаккхум̣ кхо, бхиккху, дуккхато джа̄нато пассато сакка̄йадит̣т̣хи пахӣйати. рӯпе дуккхато джа̄нато пассато сакка̄йадит̣т̣хи пахӣйати. чаккхувин̃н̃а̄н̣ам̣ дуккхато джа̄нато пассато сакка̄йадит̣т̣хи пахӣйати. чаккхусампхассам̣ дуккхато джа̄нато пассато сакка̄йадит̣т̣хи пахӣйати…пе… йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи дуккхато джа̄нато пассато сакка̄йадит̣т̣хи пахӣйати. евам̣ кхо, бхиккху, джа̄нато евам̣ пассато сакка̄йадит̣т̣хи пахӣйатӣ’’ти. ека̄дасамам̣.