10. миччха̄дит̣т̣хипаха̄насуттам̣

165. атха кхо ан̃н̃атаро бхиккху йена бхагава̄ тенупасан̇ками…пе… екамантам̣ нисинно со бхиккху бхагавантам̣ етадавоча – ‘‘катхам̣ ну кхо, бханте, джа̄нато катхам̣ пассато миччха̄дит̣т̣хи пахӣйатӣ’’ти?

‘‘чаккхум̣ кхо, бхиккху, аниччато джа̄нато пассато миччха̄дит̣т̣хи пахӣйати. рӯпе аниччато джа̄нато пассато миччха̄дит̣т̣хи пахӣйати. чаккхувин̃н̃а̄н̣ам̣ аниччато джа̄нато пассато миччха̄дит̣т̣хи пахӣйати. чаккхусампхассам̣ аниччато джа̄нато пассато миччха̄дит̣т̣хи пахӣйати…пе… йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи аниччато джа̄нато пассато миччха̄дит̣т̣хи пахӣйати. евам̣ кхо, бхиккху, джа̄нато евам̣ пассато миччха̄дит̣т̣хи пахӣйатӣ’’ти. дасамам̣.