3. абхинандама̄насуттам̣

65. са̄ваттхинида̄нам̣. атха кхо ан̃н̃атаро бхиккху…пе… екамантам̣ нисинно кхо со бхиккху бхагавантам̣ етадавоча – ‘‘са̄дху ме, бханте, бхагава̄ сам̣кхиттена…пе… пахитатто вихареййа’’нти. ‘‘абхинандама̄но кхо, бхиккху, баддхо ма̄расса; анабхинандама̄но мутто па̄пимато’’ти. ‘‘ан̃н̃а̄там̣ бхагава̄, ан̃н̃а̄там̣ сугата̄’’ти.

‘‘йатха̄ катхам̣ пана твам̣, бхиккху, майа̄ сам̣кхиттена бха̄ситасса виттха̄рена аттхам̣ а̄джа̄на̄сӣ’’ти? ‘‘рӯпам̣ кхо, бханте, абхинандама̄но баддхо ма̄расса; анабхинандама̄но мутто па̄пимато. веданам̣… сан̃н̃ам̣… сан̇кха̄ре… вин̃н̃а̄н̣ам̣ абхинандама̄но баддхо ма̄расса; анабхинандама̄но мутто па̄пимато. имасса кхва̄хам̣, бханте, бхагавата̄ сам̣кхиттена бха̄ситасса евам̣ виттха̄рена аттхам̣ а̄джа̄на̄мӣ’’ти.

‘‘са̄дху са̄дху, бхиккху! са̄дху кхо твам̣, бхиккху, майа̄ сам̣кхиттена бха̄ситасса виттха̄рена аттхам̣ а̄джа̄на̄си. рӯпам̣ кхо, бхиккху, абхинандама̄но баддхо ма̄расса; анабхинандама̄но мутто па̄пимато. веданам̣… сан̃н̃ам̣… сан̇кха̄ре … вин̃н̃а̄н̣ам̣ абхинандама̄но баддхо ма̄расса; анабхинандама̄но мутто па̄пимато. имасса кхо, бхиккху, майа̄ сам̣кхиттена бха̄ситасса евам̣ виттха̄рена аттхо дат̣т̣хаббо’’ти…пе… ан̃н̃атаро ча пана со бхиккху арахатам̣ ахосӣти. татийам̣.