11. пабхан̇гусуттам̣

32. са̄ваттхинида̄нам̣. ‘‘пабхан̇гун̃ча, бхиккхаве, десесса̄ми аппабхан̇гун̃ча. там̣ сун̣а̄тха. кин̃ча, бхиккхаве, пабхан̇гу, ким̣ аппабхан̇гу? рӯпам̣, бхиккхаве, пабхан̇гу. йо тасса ниродхо вӯпасамо аттхан̇гамо, идам̣ аппабхан̇гу. ведана̄ пабхан̇гу. йо тасса̄ ниродхо вӯпасамо аттхан̇гамо, идам̣ аппабхан̇гу. сан̃н̃а̄ пабхан̇гу… сан̇кха̄ра̄ пабхан̇гу. йо тесам̣ ниродхо вӯпасамо аттхан̇гамо, идам̣ аппабхан̇гу. вин̃н̃а̄н̣ам̣ пабхан̇гу. йо тасса ниродхо вӯпасамо аттхан̇гамо, идам̣ аппабхан̇гӯ’’ти. ека̄дасамам̣.

бха̄равагго татийо.

тассудда̄нам̣ –

бха̄рам̣ парин̃н̃ам̣ абхиджа̄нам̣, чхандара̄гам̣ чатуттхакам̣;

асса̄да̄ ча тайо вутта̄, абхинанданамат̣т̣хамам̣;

уппа̄дам̣ агхамӯлан̃ча, ека̄дасамо пабхан̇гӯти.