10. агхамӯласуттам̣

31. са̄ваттхинида̄нам̣. ‘‘агхан̃ча, бхиккхаве, десесса̄ми агхамӯлан̃ча. там̣ сун̣а̄тха. катаман̃ча бхиккхаве агхам̣? рӯпам̣, бхиккхаве, агхам̣, ведана̄ агхам̣, сан̃н̃а̄ агхам̣, сан̇кха̄ра̄ агхам̣, вин̃н̃а̄н̣ам̣ агхам̣. идам̣ вуччати, бхиккхаве, агхам̣. катаман̃ча, бхиккхаве, агхамӯлам̣? йа̄йам̣ тан̣ха̄ понобхавика̄ нандӣра̄гасахагата̄ [нандира̄гасахагата̄ (саббаттха)] татрататра̄бхинандинӣ; сеййатхидам̣ – ка̄матан̣ха̄, бхаватан̣ха̄, вибхаватан̣ха̄. идам̣ вуччати, бхиккхаве, агхамӯла’’нти. дасамам̣.