6. суддхикасуттам̣

98. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘аттхи ну кхо, бханте, кин̃чи рӯпам̣, йам̣ рӯпам̣ ниччам̣ дхувам̣ сассатам̣ авипарин̣а̄мадхаммам̣ сассатисамам̣ татхева т̣хассати? аттхи ну кхо, бханте, ка̄чи ведана̄…пе… ка̄чи сан̃н̃а̄… кечи сан̇кха̄ра̄… кин̃чи вин̃н̃а̄н̣ам̣, йам̣ вин̃н̃а̄н̣ам̣ ниччам̣ дхувам̣ сассатам̣ авипарин̣а̄мадхаммам̣ сассатисамам̣ татхева т̣хассатӣ’’ти? ‘‘наттхи кхо, бхиккху, кин̃чи рӯпам̣ йам̣ рӯпам̣ ниччам̣ дхувам̣ сассатам̣ авипарин̣а̄мадхаммам̣ сассатисамам̣ татхева т̣хассати. наттхи кхо, бхиккху, ка̄чи ведана̄… ка̄чи сан̃н̃а̄… кечи сан̇кха̄ра̄… кин̃чи вин̃н̃а̄н̣ам̣, йам̣ вин̃н̃а̄н̣ам̣ ниччам̣ дхувам̣ сассатам̣ авипарин̣а̄мадхаммам̣ сассатисамам̣ татхева т̣хассатӣ’’ти. чхат̣т̣хам̣.