7. джа̄н̣уссон̣исуттам̣

47. са̄ваттхийам̣ вихарати. атха кхо джа̄н̣уссон̣и бра̄хман̣о йена бхагава̄ тенупасан̇ками; упасан̇камитва̄ бхагавата̄ саддхим̣…пе… екамантам̣ нисинно кхо джа̄н̣уссон̣и бра̄хман̣о бхагавантам̣ етадавоча –

‘‘ким̣ ну кхо, бхо, готама, саббаматтхӣ’’ти? ‘‘‘саббаматтхӣ’ти кхо, бра̄хман̣а, айамеко анто’’.

‘‘ким̣ пана, бхо готама, саббам̣ наттхӣ’’ти? ‘‘‘саббам̣ наттхӣ’ти кхо, бра̄хман̣а, айам̣ дутийо анто. ете те, бра̄хман̣а, убхо анте анупагамма маджджхена татха̄гато дхаммам̣ десети – ‘авиджджа̄паччайа̄ сан̇кха̄ра̄; сан̇кха̄рапаччайа̄ вин̃н̃а̄н̣ам̣…пе… еваметасса кеваласса дуккхаккхандхасса самудайо хоти. авиджджа̄йа твева асесавира̄ганиродха̄ сан̇кха̄раниродхо; сан̇кха̄раниродха̄ вин̃н̃а̄н̣аниродхо…пе… еваметасса кеваласса дуккхаккхандхасса ниродхо хотӣ’’’ти.

евам̣ вутте, джа̄н̣уссон̣и бра̄хман̣о бхагавантам̣ етадавоча – ‘‘абхиккантам̣ бхо готама…пе… па̄н̣упетам̣ саран̣ам̣ гата’’нти. саттамам̣.