6. ан̃н̃атарабра̄хман̣асуттам̣

46. са̄ваттхийам̣ вихарати. атха кхо ан̃н̃атаро бра̄хман̣о йена бхагава̄ тенупасан̇ками; упасан̇камитва̄ бхагавата̄ саддхим̣ саммоди. саммоданӣйам̣ катхам̣ са̄ран̣ӣйам̣ вӣтиса̄ретва̄ екамантам̣ нисӣди. екамантам̣ нисинно кхо со бра̄хман̣о бхагавантам̣ етадавоча –

‘‘ким̣ ну кхо, бхо готама, со кароти со пат̣исам̣ведайатӣ’’ти? ‘‘‘со кароти со пат̣исам̣ведайатӣ’ти кхо, бра̄хман̣а, айамеко анто’’.

‘‘ким̣ пана, бхо готама, ан̃н̃о кароти, ан̃н̃о пат̣исам̣ведайатӣ’’ти? ‘‘‘ан̃н̃о кароти, ан̃н̃о пат̣исам̣ведайатӣ’ти кхо, бра̄хман̣а, айам̣ дутийо анто. ете те, бра̄хман̣а, убхо анте анупагамма маджджхена татха̄гато дхаммам̣ десети – ‘авиджджа̄паччайа̄ сан̇кха̄ра̄; сан̇кха̄рапаччайа̄ вин̃н̃а̄н̣ам̣…пе… еваметасса кеваласса дуккхаккхандхасса самудайо хоти. авиджджа̄йа твева асесавира̄ганиродха̄ сан̇кха̄раниродхо; сан̇кха̄раниродха̄ вин̃н̃а̄н̣аниродхо …пе… еваметасса кеваласса дуккхаккхандхасса ниродхо хотӣ’’’ти.

евам̣ вутте, со бра̄хман̣о бхагавантам̣ етадавоча – ‘‘абхиккантам̣, бхо готама, абхиккантам̣, бхо готама,…пе… упа̄сакам̣ мам̣ бхавам̣ готамо дха̄рету аджджатагге па̄н̣упетам̣ саран̣ам̣ гата’’нти. чхат̣т̣хам̣.