9. саман̣абра̄хман̣асуттам̣

29. са̄ваттхийам̣ вихарати…пе… ‘‘татра кхо…пе… йе хи кечи, бхиккхаве, саман̣а̄ ва̄ бра̄хман̣а̄ ва̄ джара̄маран̣ам̣ на париджа̄нанти, джара̄маран̣асамудайам̣ на париджа̄нанти, джара̄маран̣аниродхам̣ на париджа̄нанти, джара̄маран̣аниродхага̄миним̣ пат̣ипадам̣ на париджа̄нанти, джа̄тим̣ на париджа̄нанти…пе… бхавам̣… упа̄да̄нам̣… тан̣хам̣… веданам̣… пхассам̣… сал̣а̄йатанам̣… на̄марӯпам̣… вин̃н̃а̄н̣ам̣… сан̇кха̄ре… сан̇кха̄расамудайам̣… сан̇кха̄раниродхам̣… сан̇кха̄раниродхага̄миним̣ пат̣ипадам̣ на париджа̄нанти. на мете, бхиккхаве, саман̣а̄ ва̄ бра̄хман̣а̄ ва̄ саман̣есу ва̄ саман̣асаммата̄ бра̄хман̣есу ва̄ бра̄хман̣асаммата̄. на ча панете а̄йасманто са̄ман̃н̃аттхам̣ ва̄ брахман̃н̃аттхам̣ ва̄ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаранти’’.

‘‘йе ча кхо кечи, бхиккхаве, саман̣а̄ ва̄ бра̄хман̣а̄ ва̄ джара̄маран̣ам̣ париджа̄нанти, джара̄маран̣асамудайам̣ париджа̄нанти, джара̄маран̣аниродхам̣ париджа̄нанти, джара̄маран̣аниродхага̄миним̣ пат̣ипадам̣ париджа̄нанти, джа̄тим̣ париджа̄нанти…пе… бхавам̣… упа̄да̄нам̣… тан̣хам̣… веданам̣… пхассам̣… сал̣а̄йатанам̣… на̄марӯпам̣… вин̃н̃а̄н̣ам̣… сан̇кха̄ре париджа̄нанти, сан̇кха̄расамудайам̣ париджа̄нанти, сан̇кха̄раниродхам̣ париджа̄нанти, сан̇кха̄раниродхага̄миним̣ пат̣ипадам̣ париджа̄нанти. те кхо ме, бхиккхаве, саман̣а̄ ва̄ бра̄хман̣а̄ ва̄ саман̣есу чева саман̣асаммата̄ бра̄хман̣есу ча бра̄хман̣асаммата̄. те ча пана̄йасманто са̄ман̃н̃аттхан̃ча брахман̃н̃аттхан̃ча дит̣т̣хева дхамме сайам̣ абхин̃н̃а̄ саччхикатва̄ упасампаджджа вихарантӣ’’ти. навамам̣.