10. дутийасаман̣абра̄хман̣асуттам̣

30. са̄ваттхийам̣ вихарати…пе… ‘‘татра кхо…пе… йе хи кечи, бхиккхаве, саман̣а̄ ва̄ бра̄хман̣а̄ ва̄ джара̄маран̣ам̣ наппаджа̄нанти, джара̄маран̣асамудайам̣ наппаджа̄нанти, джара̄маран̣аниродхам̣ наппаджа̄нанти, джара̄маран̣аниродхага̄миним̣ пат̣ипадам̣ наппаджа̄нанти те вата джара̄маран̣ам̣ саматиккамма т̣хассантӣти нетам̣ т̣ха̄нам̣ виджджати. джа̄тим̣ наппаджа̄нанти…пе… бхавам̣… упа̄да̄нам̣… тан̣хам̣… веданам̣… пхассам̣… сал̣а̄йатанам̣… на̄марӯпам̣… вин̃н̃а̄н̣ам̣… сан̇кха̄ре наппаджа̄нанти, сан̇кха̄расамудайам̣ наппаджа̄нанти, сан̇кха̄раниродхам̣ наппаджа̄нанти, сан̇кха̄раниродхага̄миним̣ пат̣ипадам̣ наппаджа̄нанти те вата сан̇кха̄ре саматиккамма т̣хассантӣти нетам̣ т̣ха̄нам̣ виджджати’’.

‘‘йе ча кхо кечи, бхиккхаве, саман̣а̄ ва̄ бра̄хман̣а̄ ва̄ джара̄маран̣ам̣ паджа̄нанти, джара̄маран̣асамудайам̣ паджа̄нанти, джара̄маран̣аниродхам̣ паджа̄нанти, джара̄маран̣аниродхага̄миним̣ пат̣ипадам̣ паджа̄нанти те вата джара̄маран̣ам̣ саматиккамма т̣хассантӣти т̣ха̄наметам̣ виджджати. джа̄тим̣ паджа̄нанти…пе… бхавам̣… упа̄да̄нам̣… тан̣хам̣… веданам̣… пхассам̣… сал̣а̄йатанам̣… на̄марӯпам̣… вин̃н̃а̄н̣ам̣… сан̇кха̄ре паджа̄нанти, сан̇кха̄расамудайам̣ паджа̄нанти, сан̇кха̄раниродхам̣ паджа̄нанти, сан̇кха̄раниродхага̄миним̣ пат̣ипадам̣ паджа̄нанти. те вата сан̇кха̄ре саматиккамма т̣хассантӣти т̣ха̄наметам̣ виджджатӣ’’ти. дасамам̣.

дасабалавагго татийо.

тассудда̄нам̣ –

две дасабала̄ упаниса̄ ча, ан̃н̃атиттхийабхӯмиджо;

упава̄н̣о паччайо бхиккху, две ча саман̣абра̄хман̣а̄ти.