2. аратисуттам̣

210. екам̣ самайам̣…пе… а̄йасма̄ ван̇гӣсо а̄л̣авийам̣ вихарати агга̄л̣аве четийе а̄йасмата̄ нигродхакаппена упаджджха̄йена саддхим̣. тена кхо пана самайена а̄йасма̄ нигродхакаппо паччха̄бхаттам̣ пин̣д̣апа̄тапат̣икканто виха̄рам̣ пависати, са̄йам̣ ва̄ никкхамати апараджджу ва̄ ка̄ле. тена кхо пана самайена а̄йасмато ван̇гӣсасса анабхирати уппанна̄ хоти, ра̄го читтам̣ ануддхам̣сети. атха кхо а̄йасмато ван̇гӣсасса етадахоси – ‘‘ала̄бха̄ вата ме, на вата ме ла̄бха̄; дулладдхам̣ вата ме, на вата ме суладдхам̣; йасса ме анабхирати уппанна̄, ра̄го читтам̣ ануддхам̣сети; там̣ кутеттха лаббха̄, йам̣ ме паро анабхиратим̣ винодетва̄ абхиратим̣ уппа̄деййа. йам̣нӯна̄хам̣ аттана̄ва аттано анабхиратим̣ винодетва̄ абхиратим̣ уппа̄деййа’’нти. атха кхо а̄йасма̄ ван̇гӣсо аттана̄ва аттано анабхиратим̣ винодетва̄ абхиратим̣ уппа̄детва̄ та̄йам̣ вела̄йам̣ има̄ га̄тха̄йо абха̄си –

‘‘аратин̃ча ратин̃ча паха̄йа, саббасо гехаситан̃ча витаккам̣;

ванатхам̣ на кареййа кухин̃чи, ниббанатхо арато са хи бхиккху [са бхиккху (ка.)].

‘‘йамидха патхавин̃ча веха̄сам̣, рӯпагатан̃ча джагатогадхам̣;

кин̃чи париджӣйати саббаманиччам̣, евам̣ самечча чаранти мутатта̄.

‘‘упадхӣсу джана̄ гадхита̄се [гатхита̄се (сӣ.)], дит̣т̣хасуте пат̣игхе ча муте ча;

еттха винодайа чхандаманеджо, йо еттха на лимпати там̣ мунима̄ху.

‘‘атха сат̣т̣хиниссита̄ савитакка̄, путхӯ джаната̄йа адхамма̄ нивит̣т̣ха̄;

на ча ваггагатасса кухин̃чи, но пана дут̣т̣хуллабха̄н̣ӣ са бхиккху.

‘‘даббо чирараттасама̄хито, акухако нипако апиха̄лу;

сантам̣ падам̣ аджджхагама̄ муни пат̣ичча, париниббуто кан̇кхати ка̄ла’’нти.