2. кхемасуттам̣

103. екамантам̣ т̣хито кхо кхемо девапутто бхагавато сантике има̄ га̄тха̄йо абха̄си –

‘‘чаранти ба̄ла̄ думмедха̄, амиттенева аттана̄;

каронта̄ па̄пакам̣ каммам̣, йам̣ хоти кат̣укаппхалам̣.

‘‘на там̣ каммам̣ катам̣ са̄дху, йам̣ катва̄ анутаппати;

йасса ассумукхо родам̣, випа̄кам̣ пат̣исевати.

‘‘тан̃ча каммам̣ катам̣ са̄дху, йам̣ катва̄ на̄нутаппати;

йасса патӣто сумано, випа̄кам̣ пат̣исевати.

‘‘пат̣икаччева [пат̣игаччева (сӣ.)] там̣ кайира̄, йам̣ джан̃н̃а̄ хитаматтано;

на са̄кат̣икачинта̄йа, манта̄ дхӣро параккаме.

‘‘йатха̄ са̄кат̣ико мат̣т̣хам̣ [пантхам̣ (сӣ.), пасаттхам̣ (сйа̄. кам̣.)], самам̣ хитва̄ маха̄патхам̣;

висамам̣ маггама̄руйха, аккхаччхиннова джха̄йати.

‘‘евам̣ дхамма̄ апаккамма, адхаммамануваттийа;

мандо маччумукхам̣ патто, аккхаччхиннова джха̄йатӣ’’ти.