1. нанданасуттам̣

11. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. татра кхо бхагава̄ бхиккхӯ а̄мантеси – ‘‘бхиккхаво’’ти. ‘‘бхаданте’’ти те бхиккхӯ бхагавато паччассосум̣. бхагава̄ етадавоча –

‘‘бхӯтапуббам̣, бхиккхаве, ан̃н̃атара̄ та̄ватим̣сака̄йика̄ девата̄ нандане ване аччхара̄сан̇гхапаривута̄ диббехи пан̃чахи ка̄магун̣ехи самаппита̄ саман̇гӣбхӯта̄ парича̄рийама̄на̄ [парича̄рийама̄на̄ (сйа̄. кам̣. ка.)] та̄йам̣ вела̄йам̣ имам̣ га̄тхам̣ абха̄си –

‘‘на те сукхам̣ паджа̄нанти, йе на пассанти нанданам̣;

а̄ва̄сам̣ нарадева̄нам̣, тидаса̄нам̣ йасассина’’нти.

‘‘евам̣ вутте, бхиккхаве, ан̃н̃атара̄ девата̄ там̣ деватам̣ га̄тха̄йа паччабха̄си –

‘‘на твам̣ ба̄ле паджа̄на̄си, йатха̄ арахатам̣ вачо;

аничча̄ саббасан̇кха̄ра̄ [саббе сан̇кха̄ра̄ (сӣ. сйа̄. кам̣.)], уппа̄давайадхаммино;

уппаджджитва̄ нируджджханти, тесам̣ вӯпасамо сукхо’’ти.