10. аран̃н̃асуттам̣

10. са̄ваттхинида̄нам̣. екамантам̣ т̣хита̄ кхо са̄ девата̄ бхагавантам̣ га̄тха̄йа аджджхабха̄си –

‘‘аран̃н̃е вихаранта̄нам̣, санта̄нам̣ брахмача̄ринам̣;

екабхаттам̣ бхун̃джама̄на̄нам̣, кена ван̣н̣о пасӣдатӣ’’ти.

‘‘атӣтам̣ на̄нусочанти, наппаджаппанти на̄гатам̣;

паччуппаннена йа̄пенти, тена ван̣н̣о пасӣдати’’.

‘‘ана̄гатаппаджаппа̄йа, атӣтасса̄нусочана̄;

етена ба̄ла̄ суссанти, нал̣ова харито луто’’ти.

нал̣авагго пат̣хамо.

тассудда̄нам̣ –

огхам̣ нимоккхам̣ упанеййам̣, ачченти катичхинди ча;

джа̄гарам̣ аппат̣ивидита̄, сусаммут̣т̣ха̄ ма̄нака̄мина̄;

аран̃н̃е дасамо вутто, вагго тена павуччати.