7. двидха̄патхасуттам̣

77. евам̣ ме сутам̣ – екам̣ самайам̣ бхагава̄ косалесу аддха̄намаггапат̣ипанно хоти а̄йасмата̄ на̄гасама̄лена паччха̄саман̣ена. аддаса̄ кхо а̄йасма̄ на̄гасама̄ло антара̄магге двидха̄патхам̣ [дведха̄патхам̣ (сӣ.)]. дисва̄на бхагавантам̣ етадавоча – ‘‘айам̣, бханте, бхагава̄ пантхо; имина̄ гаччха̄ма̄’’ти. евам̣ вутте, бхагава̄ а̄йасмантам̣ на̄гасама̄лам̣ етадавоча – ‘‘айам̣, на̄гасама̄ла, пантхо; имина̄ гаччха̄ма̄’’ти.

дутийампи…пе… татийампи кхо а̄йасма̄ на̄гасама̄ло бхагавантам̣ етадавоча – ‘‘айам̣, бханте, бхагава̄ пантхо; имина̄ гаччха̄ма̄’’ти. татийампи кхо бхагава̄ а̄йасмантам̣ на̄гасама̄лам̣ етадавоча – ‘‘айам̣, на̄гасама̄ла, пантхо; имина̄ гаччха̄ма̄’’ти. атха кхо а̄йасма̄ на̄гасама̄ло бхагавато паттачӣварам̣ таттхева чхама̄йам̣ никкхипитва̄ пакка̄ми – ‘‘идам̣, бханте, бхагавато паттачӣвара’’нти.

атха кхо а̄йасмато на̄гасама̄ласса тена пантхена гаччхантасса антара̄магге чора̄ никкхамитва̄ хаттхехи ча па̄дехи ча а̄кот̣есум̣ паттан̃ча бхиндим̣су сан̇гха̄т̣ин̃ча виппха̄лесум̣. атха кхо а̄йасма̄ на̄гасама̄ло бхиннена паттена виппха̄лита̄йа сан̇гха̄т̣ийа̄ йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ на̄гасама̄ло бхагавантам̣ етадавоча – ‘‘идха майхам̣, бханте, тена пантхена гаччхантасса антара̄магге чора̄ никкхамитва̄ хаттхехи ча па̄дехи ча а̄кот̣есум̣, паттан̃ча бхиндим̣су, сан̇гха̄т̣ин̃ча виппха̄лесу’’нти.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘саддхим̣ чарамекато васам̣,

миссо ан̃н̃аджанена ведагӯ;

видва̄ паджаха̄ти па̄пакам̣,

кон̃чо кхӣрапакова ниннага’’нти. саттамам̣;