4. чатуттханибба̄напат̣исам̣йуттасуттам̣

74. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена бхагава̄ бхиккхӯ нибба̄напат̣исам̣йутта̄йа дхаммийа̄ катха̄йа сандассети сама̄дапети самуттеджети сампахам̣сети. тедха бхиккхӯ ат̣т̣хим̣ катва̄ манаси катва̄ саббам̣ четасо саманна̄харитва̄ охитасота̄ дхаммам̣ сун̣анти.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘нисситасса чалитам̣, анисситасса чалитам̣ наттхи. чалите асати пассаддхи, пассаддхийа̄ сати нати на хоти. натийа̄ асати а̄гатигати на хоти. а̄гатигатийа̄ асати чутӯпапа̄то на хоти. чутӯпапа̄те асати невидха на хурам̣ на убхайамантарена [на убхайамантаре (саббаттха) ма. ни. 3.393; сам̣. ни. 4.87 пасситаббам̣]. есеванто дуккхасса̄’’ти. чатуттхам̣.