2. дутийалакун̣д̣акабхаддийасуттам̣

62. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена а̄йасма̄ са̄рипутто а̄йасмантам̣ лакун̣д̣акабхаддийам̣ секхам̣ [секкхоти (сйа̄.), секхоти (пӣ.)] ман̃н̃ама̄но бхиййосоматта̄йа анекапарийа̄йена дхаммийа̄ катха̄йа сандассети сама̄дапети самуттеджети сампахам̣сети.

аддаса̄ кхо бхагава̄ а̄йасмантам̣ са̄рипуттам̣ а̄йасмантам̣ лакун̣д̣акабхаддийам̣ секхам̣ ман̃н̃ама̄нам̣ бхиййосоматта̄йа анекапарийа̄йена дхаммийа̄ катха̄йа сандассентам̣ сама̄дапентам̣ самуттеджентам̣ сампахам̣сентам̣.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘аччхеччхи [аччхеджджи (ка. сӣ.), аччхиджджи (ка. сӣ. сйа̄.), ачхиджджи (ка.)] ват̣т̣ам̣ бйага̄ нира̄сам̣, висуккха̄ сарита̄ на сандати;

чхиннам̣ ват̣т̣ам̣ на ваттати, есеванто дуккхасса̄’’ти. дутийам̣;