7. субхӯтисуттам̣

57. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена а̄йасма̄ субхӯти бхагавато авидӯре нисинно хоти паллан̇кам̣ а̄бхуджитва̄ уджум̣ ка̄йам̣ пан̣идха̄йа авитаккам̣ сама̄дхим̣ сама̄паджджитва̄.

аддаса̄ кхо бхагава̄ а̄йасмантам̣ субхӯтим̣ авидӯре нисиннам̣ паллан̇кам̣ а̄бхуджитва̄ уджум̣ ка̄йам̣ пан̣идха̄йа авитаккам̣ сама̄дхим̣ сама̄паннам̣.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘йасса витакка̄ видхӯпита̄,

аджджхаттам̣ сувикаппита̄ асеса̄;

там̣ сан̇гаматичча арӯпасан̃н̃ӣ,

чатуйога̄тигато на джа̄ту метӣ’’ти [на джа̄тиметӣти (сйа̄. пӣ. ат̣т̣ха. па̄т̣хантарам̣)]. саттамам̣;