3. паччавеккхан̣асуттам̣

53. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена бхагава̄ аттано анеке па̄паке акусале дхамме пахӣне паччавеккхама̄но нисинно хоти, анеке ча кусале дхамме бха̄вана̄па̄рипӯрим̣ гате.

атха кхо бхагава̄ [етаматтхам̣ видитва̄ (сӣ. ка.)] аттано анеке па̄паке акусале дхамме пахӣне видитва̄ анеке ча кусале дхамме бха̄вана̄па̄рипӯрим̣ гате [етаматтхам̣ видитва̄ (сӣ. ка.)] та̄йам̣ вела̄йам̣ имам̣ уда̄нам̣ уда̄неси –

‘‘аху пуббе тада̄ на̄ху, на̄ху пуббе тада̄ аху;

на ча̄ху на ча бхависсати, на четарахи виджджатӣ’’ти. татийам̣;